آئندہ بجٹ میں زیادہ سے زیادہ ر یلیف دینے کی کوشش کریں گے‘ عثمان بزدار

 وزیراعلیٰ پنجاب سردار عثمان بزدار کا کہنا ہے کہ وسائل کم ہیں لیکن پھربھی عوام کی فلاح دل کے قریب ہے۔

تفصیلات کے مطابق وزیراعلیٰ پنجاب کا کہنا ہے کہ آئندہ بجٹ میں زیادہ سے زیادہ ریلیف دینے کی کوشش کریں گے۔

سردار عثمان بزدار کا کہنا ہے کہ وسائل کم ہیں لیکن پھربھی عوام کی فلاح دل کے قریب ہے۔

انہوں نے کہا کہ بجٹ اعداد کا ہیرپھیر نہیں بلکہ وسائل کے اندرترقیاتی عمل کا عکاس ہوگا، کم ترقی یافتہ علاقوں کی ترقی کی بجٹ میں بنیادی حیثیت ہوگی۔

وزیراعلیٰ پنجاب نے کہا کہ پانی، صحت، تعلیم اوردیگر شعبوں کی بہتری کے اقدامات کریں گے، ایسی پالیسیاں بنائیں گےجن کےبہتراثرات صوبے میں نیچے تک جائیں۔

وزیراعلیٰ پنجاب نے کہا کہ آئندہ بجٹ میں ماضی کی غلط پالیسیوں کا ازالہ کیا جائے گا۔

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ نیا پاکستان امیر اور غریب کا فرق مٹا دے گا، وزیراعظم عمران خان اس پاکستان کی بنیاد رکھ رہے ہیں جس کا خواب بانیان پاکستان نے دیکھا تھا۔

وزیراعلیٰ پنجاب کا کہنا تھا کہ صوبائی اراکین اسمبلی میرے دست وبازو ہیں، پنجاب اب تحریک انصاف کا قلعہ بن چکا ہے۔

جواب چھوڑیں

آپ کا ای میل ایڈریس شائع نہیں کیا جائے گا.